tum aur khushi ...

laut jaaye gham sang hamara dekhkar
jaise laut jaati hai lehrain kinara dekhkar
tum sang hamara dena us waqt tak
khushi bhi khush ho jaaye hamari khushi dekhkar

© rahuljha

Bhulna Bisarna...

gham na karna aagar hum tumhe bhul jaaye
hum aksar aisa kar jaate hai
kabhi bhul jaate hai apna naam
aur kabhi apni parchaai ko salam kar jaate hai
© rahuljha

Tere Sang....

kabhi kisi kinare ....
chal sang baithte hai
aur kuch kahte hai
aur kuch sunte hai ...

fir karte hai aisa kuch
jo na kiya kisi ne kabhi
sang mil chal apne naseeb
me rang bharte hai ..

© rahuljha

Tum...

neel samandar ke paani se dhulti
tum aur tumhari parchaai..
band aankhon se kuch kahti
tum aur tumhari tanhaai

aur duur se niharti tumhe
suraj ki kirane
aur chukar tumhare tan ko
khushi se leti angraai

thandi hawa ne tumhari hothon ko
chum liya
aur tumhari julfon ko yun bikher diya
khil gayi jaise koi kali murjhai

aur woh dekho sagar ki boonde
jo tumhare chehre pe tik gayi hai
jaise rokti ho tumhe jaane se
na ja chod kar hume harjaai

neel samandar ke paani se dhulti
tum aur tumhari parchaai..
© rahuljha

Valentines message (use it if u wish)

chalo badlo ke peeche sitaro se aage .. door us neele aasmaan me jahan main hoon aur mera chand hoga
chalo un fizaon me samandaro ke aage ... door us kshitiz pe apna ek jahan hoga
chalo kahin aisi jagah apna aasiyan banaaye bas hum tum ho jahan aur jahan bhi hamara hoga
chalo likh de sitaron se apni takdeer ke panne aur kah de sabhi se jo hamara hai woh bas hamara hoga
chalo kahin kisi jharne se jharte swet pushp bhaanti nirmal boondo ko samet le
samet le un boondo me chupi khushiyan unme chupi hasi unme chupi khushi
chalo chale ek doosre ka haath thaame aur chalte rahe jab tak sab ruk na jaaye .jab tak chal sake sang hum...
chalo kahin baitho hamare sang ki dekhta rahoon tumhari aankho me jab tak ki kuch aur dikhna ruk na jaye
bas tum hi tum ho har taraf hamare aur baaki sab kuch kahin gum ho jaaye...
chalo sang hamare ...

© rahuljha

latest.. Tanhaai Ka Gham

tanhaai ka gham bhi kya gham hai...
kaisi tanhaai jab gham sang hai
© rahuljha